By: Vina Chanpana

ຜູ້ຍິງກັບຄວາມງາມເປັນຂອງຄູ່ກັນຜູ້ໃດກະຢາກງາມຢາກເລີດ ແຕ່ລອງມາເບິ່ງດຸ ອີຫຍັງທີ່ສາວໆສ່ວນຫລາຍມັກພາດກັນ

1. ໃຊ້ຂອງ brandname ແຕ່ຫົວຮອດຕີນ

ການໃສ່ຂອງແບຮນເນມສາມາດບົ່ງບອກຣົດສະນິຍົມຂອງຜູ້ສວມໃສ່ ແຕ່່ຄິດແນວໃດກັບຄົນທີ່ໃສ່ເຄື່ອງ brandname ຫລາຍຍີ່ຫໍ້ແຕ່ຫົວຮອດຕີນ ການປະໂຄມເຄື່ອງຍີ່ຫໍ້ຫລາຍໆແບຮນໃນຄົນຜູ້ດຽວຄົນອື່ນອາດຄິດວ່າທ່ານບໍ່ຮູ້ແຕ່ງໂຕຫລາຍກ່ວາຊິບອກວ່າຣົດສະນິຍົມສູງ ແນ່ນອນວ່າຄົນມີເງີນກໍ່ຕ້ອງຢາກໃຊ້ແຕ່ຂອງດີໆຂໍເລີດໄວກ່ອນ ແຕ່ການ ມິກສ໌ & ແມ໋ດທ ເຄື່ອງຍີ່ຫໍ້ແພງໆ ກັບເຄື່ອງລາຄາທົ່ວໄປໃນການແຕ່ງໂຕ ກໍ່ບໍ່ແມ່ນເລື່ອງເສຍຫາຍ.

2. ຫມັ້ນໃຈຫລາຍເກີນໄປ

ແນ່ນອນວ່າຄວາມຫມັ້ນໃຈເປັນປັດໃຈສຳຄັນທີ່ເຮັດໃຫ້ຜູ້ຍິງເບິ່ງສະຫງ່າ ແລະ ດູດີ, ແຕ່… ອີ່ຫຍັງທີ່ມັນຫລາຍເກີນງາມມັນກະບໍ່ຄ່ອຍຈະດີ ບາງຄົນກໍຫມັ້ນໃຈຈົນບໍ່ສົນໃຈອີ່ຫຍັງເລີຍເອົາແຕ່ເພິ່ນເປັນທີ່ຕັ້ງ ຫຸ່ນບໍ່ດີຍັງນຸ່ງຊຸດຟິດຈົນຫາຍໃຈບໍ່ອອກ ແລະ ກໍ່ຍັງຄິດວ່າໂຕເອງເລີດ ແຕ່ໃນສາຍຕາຄົນອື່ນມັນບໍ່ແມ່ນຫັ້ນຕິລະ ເອົາເປັນວ່າຊິຫມັ້ນໃຈກະສົມມາພາຄວນສະ ເກງໃຈສາຍຕາຄົນຮອບຂ້າງແນ່ຫນ້ອຍຫນຶ່ງ.

ຜູ້ສະໜັບສະໜູນ:

3. ໃສ່ເຄື່ອງປະດັບຫລາຍຈົນເວີ້

ເຄີຍໄດຍິນຄຳວ່າ Less is more ເຊິ່ງຫມາຍຄວາມວ່າ ຫນ້ອຍແຕ່ຫລາຍ, ງ່າຍໆແຕ່ງາມ ໃນຂະນະທີ່ more is more ຫລາຍມັນກະຄືຫລາຍ ກໍ່ຄືການໃສ່ເຄື່ອງປະດັບ ຄວນເລືອກພຽງຢ່າງດຽວຫລືສອງຢ່າງເພື່ອເພີ່ມຄວາມໂດດເດ່ນໃຫ້ຊຸດທີ່ສວມໃສ່ ບໍ່ແມ່ນວ່າຊິໃສ້ຄົບຊຸດ ສາຍແຂນ,ສາຍຄໍ,ຕ່າງຫູຸອັນບັກໃຫຍ່ ຊຳ້ບໍ່ຫນຳຕື່ມອັນຄາດຜົມອີກ!!!! ໂອ້! ເປັນແບບນີ້ກະບໍ່ໄຫວ, ແທນທີ່ເຂົາຊິວ່າງາມວ່າເລີດ ເຂົາພັດຊິຄິດວ່າຮ້ານຂາຍເຄື່ອງປະດັບເຄື່ອນທີ່.

4. ຮອງພື້ນຜິດເບີ

ຮັບບໍ່ໄດ້ອິຫລີ່ເລີຍຂໍ້ນີ້ເນາະ ຜູ້ດຳພັດຢາກຂາວ ຜູ້ຂາວພັດຢາກຫນ້າເຂັ້ມ ກະເລີຍເລືອກໃຊ້ຮອງພື້ນບໍ່ຖືກເບີກັນໄປ ເຄີຍໄດ້ຍິນກັນເລື້ອຍໆເລີຍແມ່ນບໍ່ກັບຄຳວ່າ”ຫນ້າລອຍ”ສາວທີ່ຖືກເອີ້ນວ່າຫນ້າລອຍສ່ວນຫລາຍແມ່ນສາວຜິວເຂັ້ມ. ແຕ່ຢາກເບິງໃຫ້ຄືຂາວ ກໍ່ເລີຍເລືອກຮອງພື້ນເບີທີ່ສະຫວ່າງກົ່ວສີຜິວ..ມັນຈະບໍ່ຜິດຫຍັງເລີຍຍຍຍຍຍ ຖ້າສາວຜູ້ງາມບໍ່ລືມເພີ່ມຄວາມສະຫວ່າງໃຫ້ຄໍກັບຕົນໂຕນຳເນາະ ຂໍເລົ່າ.

5. ແຕ່ງຫນ້າໄປລອຍນຳ້

ເຂົ້າໃຈວ່າເປັນຜູ້ສາວຜູ້ແສ້ ກະຕ້ອງຢາກດູດີຕະຫລອດເວລາ ແຕ່ຂໍບອກເລີຍວ່າແຕ່ງຫນ້າໄປຫລິ້ນນຳ້ເປັນອີຫຍັງທີ່ບໍ່ເຂົ້າກັນຢ່າງແຮງ ບາງຄົນຈັດເຕັມ eye liner, mascara ປັດແກ້ມແຕ້ມຄິວ ບາດຂຶ້ນມາຈາກນຳ້ວ່າຊັ່ນ Oh No!!!!

ລົງທະບຽນກັບມິວສ໌ (Subscribe)

ຕິດຕາມມິວສ໌ ແລະ ຮຽນຮູ້ຂໍ້ມູນດີໆໂດຍການລົງທະບຽນກັບພວກເຮົາໄດ້ຟີຣ! ພຽງທ່ານກຂຽນ email ຂອງທ່ານລົງທີ່ກ໋ອງດ້ານລຸ່ມນີ້ ແລະ ກົດ Subscribe ກໍ່ເປັນອັນແລ້ວ!