IOPE CUSHION REVIEW

IOPE CUSHION REVIEW

ມື້ນີ້ສາວ ມິວສ໌ ໄດ້ເລີກງາມຍາມດີຖືໂອກາດມາຣີວິວ ຄູຊອນ (cushion) ຈາກແບຣນດັງຂອງເກົາຫຼີ ຍີ່ຫໍ້ IOPE (ໄອ ໂອ ເປ້) ນັ້ນກໍ່ຄື IOPE Air Cushion XP. ຫຼາຍຄົນອາດຈະສົງໄສກັນແລ້ວວ່າ ຄູຊອນນີ້ແມ່ນຫຍັງ? ເວົ້າງ່າຍໆກັນເລີຍ cushion ກໍ່ຄື “ຮອງພື້ນແບບແປ້ງນຳ້” ນັ້ນເອງ. ການໃຊ້ໂຕຮອງພື້ນແບບແປ້ງນຳ້ໂຕນີ້ໂຕດຽວ ຈະເຮັດໃຫ້ການແຕ່ງໜ້າຂອງທ່ານງ່າຍຂຶ້ນຫຼາຍ ບໍ່ຈຳເປັນຕ້ອງທາ Base ລົງ BB Cream ລົງ CC Cream ຫຼື ທາຮອງພື້ນໃຫ້ຫຍຸ້ງຍາກຫຼາຍຄວາມເພາະວ່າມັນມີສ່ວນຜະສົມມາໃຫ້ຄົບທັງໝົດໃນໂຕດຽວ ເຊັ່ນ IOPE Air Cushion XP ໂຕນີ້ ມີຄຸນນະສົມບັດພິເສດກໍ່ຄື ມີນຳ້ແຮ່ບໍລິສຸດເປັນສ່ວນຜະສົມຫຼາຍກວ່າ 30% ຊ່ວຍໃຫ້ຜິວໜ້າຊຸ່ມຊື່ນແຖມເປັນຮອງພື້ນແບບ 4  in 1 (whitening + cooling + UV protection + Make Up) ຄືເປັນທັງແປ້ງ ຄຣີມບຳລຸງ ກັນແດດ (SPF 50+/PA+++) ແລະ Make Up ເບສ໌ ໄດ້ໄປໃນໂຕ. ທາແລ້ວຮູ້ສຶກເຢັນສະບາຍ ໜ້າເດ້ງ ນຽນເບົາ ຕິດທົນຕະຫຼອດມື້ ຊ່ວຍຄວບຄຸມຄວາມມັນ ບໍ່ໜ່ຽວ ແຖມຊຸ່ມຊື່ນ ເພາະມີສ່ວນຜະສົມນຳ້ແຮ່ນັ້ນເອງ (ສາວ ມິວສ໌ ຮັບປະກັນເພາະໃຊ້ມາເອງ). ຂໍ້ດີກໍ່ຄືບ້ານເຮົາເປັນເມືອງຮ້ອນ ຖ້າເວລາເຫື່ອອອກຖ້ວມໜ້າ ກໍ່ບໍ່ຕ້ອງເປັນຫ່ວງວ່າຈະມີຄາບເປື້ອນ ເພາະວ່າໂຕນີ້ມີ Sweet-Proof (ກັນເຫື່ອ) ມາໃຫ້ຮຽບຮ້ອຍ. ຖ້າຖາມ

ສາວ ມິວສ໌ ວ່າເປັນຫຍັງຄືຕ້ອງຣີວິວຍີ່ຫໍ້ນີ້ ກໍ່ເພາະວ່າໂຕນີ້ທີ່ປະເທດເກົາຫຼີຮິດແທ້ຮິດວ່າຈົນໄດ້ລາງວັນກາລັງຕີໄດ້ຮັບການໂວດ “ຮອງພື້ນນຳ້ແຮ່ອັນດັບ 1 ທີ່ສາວເກົາຫຼີໂວດໃຫ້ວ່າດີທີ່ສຸດ” ໄດ້ຮັບລາງວັນ Best Beauty “AWARDS WINNER 2013 Allure Korea Magazine 2013 (Beauty & Style Expert) ນັ້ນເອງ.ເຊິ່ງ IOPE ນີ້ເປັນແບຣນສິນຄ້າທີ່ຖືກຈັດໃຫ້ເປັນ Premium Brand ພາຍໃຕ້ບໍລິສັດເຄື່ອງສຳອາງຍັກໃຫຍ່ອັນດັບ 1 ຂອງປະເທດເກົາຫຼີໃຕ້ “Amore Pacific(Sulwhasoo, HERA, IOPE, Laneige, innisfree) ລວມທັງແບຣນທີ່ທຸກຄົນເຄີຍໄດ້ຍິນ ແລະ ຄຸ້ນເຄີຍກັນດີ Etude House ກໍມາຈາກບໍລິສັດດຽວກັນນັ້ນເອງ. ແລະ ຍັງມີຫຼາຍໆແບຣນທີ່ຮຽນແບບ cushion ອີກຢ່າງຫຼວງຫຼາຍອອກມາໃຫ້ເຫັນກັນຕະຫຼອດ. ອະລຳພະບົດມາຫຼາຍພໍສົມຄວນແລ້ວໄດ້ເວລາໄປພິສູດວ່າ IOPE Air Cushion XP ໂຕນີ້ດີແທ້ສົມກັບໄດ້ລາງວັນອັນດັບ 1 ແທ້ບໍ?

REVIEW

IOPE CUSHION REVIEW

ສີແປ້ງນຳ້ແບ່ງອອກເປັນ 3 ລຸ້ນດ້ວຍກັນ N=Natural (ເນັ້ນທຳມະຊາດ), C=cover (ເນັ້ນປົກປິດ) ແລະ S=Shimmer (ເນັ້ນສະຫວ່າງ). 2 ລຸ້ນທຳອິດມີທັງໝົດ 2 ເບີດ້ວຍກັນກໍຄື ເບີ 21 ແລະ ເບີ 23 ລຸ້ນສຸດທ້າຍມີແຕ່ເບີດຽວເທົ່ານັ້ນກໍຄື ເບີ 22. ຫຼາຍທ່ານອາດຈະສົງໄສ ສຳລັບຂ້ອຍເດ່ຈະໃຊ້ເບີໃດດີມັນເຖິງຈະເໝາະກັບໃບໜ້າຂອງຂ້ອຍ? ສຳລັບຜິວໜ້າຂອງຄົນລາວນັ້ນສາວ ມິວສ໌ຂໍແນະນຳ 4 ສີຄື: N21 & N23 & C21 & S22. N=Natural Beige ເບີ 21 ສຳລັບທ່ານທີ່ຢາກໄດ້ສີຜິວທີ່ຂາວອອກບົວໆໃສທຳມະຊາດ ແຕ່ບໍ່ຄ່ອຍປົກປິດ ຖ້າໃຜມີຜິວດີຢາກໄດ້ແບບເປັນທຳມະຊາດສາວ ມິວສ໌ ຂໍແນະນຳສີນີ້ ຖ້າຜິວ 2 ສີກໍ່ເລືອກ N23 ໄດ້ເລີຍບໍ່ເຂັ້ມຈົນເກີນໄປ. ສ່ວນລຸ້ນ C=cover ສຳລັບທ່ານທີ່ມີຜິວຂາວເຫຼືອງ ຈະປົກປິກດີກວ່າ ທ່ານໃດມີຮອຍສິວ ຈຸດດ່າງດຳຫຼາຍແນະນຳເລືອກໃຊ້ລຸ້ນນີ້ ສີທີ່ແນະນຳກໍຄື: C21. ສາວ ມິວສ໌ ບໍ່ແນະນຳ C23 ເພາະວ່າຫຼາຍທ່ານຊື້ໄປໃຊ້ແລ້ວຕ່າງບອກວ່າສີມັນດຳ ທາແລ້ວໜ້າໝອງເກີນໄປ ສະຫຼຸບແລ້ວເບີທີ່ສາວ ມິວສ໌ແນະນຳກໍ່ຄື: N21 & N23 & C21 & S22 ຮັບຮອງບໍ່ຜິດຫວັງແນ່ນອນ.

IOPE CUSHION REVIEW

BEFORE & AFTER