By: Linda Phayvanh

SHISEIDO ULTIMUNE REVIEW

ສະບາຍດີ ທ່ານຜູ້ອ່ານທຸກໆທ່ານ, beauty reviewer ມື້ນີ້ຈະພາທ່ານເຂົ້າຊົມ ການທົດລອງໃຊ້ຜະລິດຕະພັນຈາກ Shiseido ກໍ່ຄື “ SHISEIDO Ultimune Power Infusing Concentrate”. ເຊລັ້ມຊະນິດນີ້ເປັນເຊລັ້ມທີ່ຕິດອັນດັບຢອດນີຍົມຂອງຊາວອາຊີເລີຍກໍວ່າໄດ້.  ລອງມາເບິ່ງສະໂລແກນຂອງຜະລິດຕະພັນລາຍນີ້ກັນດີກ່ວາເຊິ່ງມັນບໍ່ທຳມະດາເລີຍ. ” ພະລັງທຳມະຊາດແຫ່ງການປົກປ້ອງຜິວຢູ່ໃນໂຕທ່ານ ແລະ ທ່ານສ້າງມັນໄດ້ ” ຄືສະໂລແກນຂອງເຊລັ້ມໂຕນີ້. ຜະລິດຕະພັນບຳລຸງຜິວທີ່ເບິ່ງແຍ່ງປັນຫາຜິວ ແລະ ຊ່ວຍເສີມການຟື້ນໂຕຕາມທຳມະຊາດຂອງຜິວໃຫ້ກັບມາອີກຄັ້ງດ້ວຍສ່ວນຜະສົມເຊີງຊ້ອນໃໝ່ລ້າສຸດ Ultimune Complex.

  • ເນື້ອເຊລັ້ມໃສ ແລະ ບາງເບົາ ຄັ້ງທຳອິດທີ່ທາລົງເທິງຜິວໜ້າເນື້ອເຈວໄດ້ຊຶມລົງຜິວໜ້າຂ້ອນຂ້າງໄວ ບໍ່ໜ່ຽວ ທາງ່າຍ ເພາະ ເນື້ອເຊລັ້ມນັ້ນບາງເບົາເຮັດໃຫ້ຜິວໜ້າບໍ່ໜ່ຽວ. ມີກິ່ນຫອມອ່ອນໆເຮັດໃຫ້ໃບໜ້າໄດ້ມີການຜ່ອນຄາຍ. ແຕ່ຮູ້ສຶກວ່າຫຼັງທາແລ້ວ ຜິວຂ້ອນຂ້າງແຫ້ງໜ້ອຍໜຶ່ງ.

  • ຫຼັງຈາກທີ່ໃຊ້ມາໄດ້ສອງເຖິງສາມມື້, ທາເຊົ້າ ແລະ ກ່ອນນອນ, ຂ້ອຍເຫັນເຖິງຄວາມແຕກຕ່າງໜ້ອຍໜຶ່ງ ທີ່ບໍລິເວນຮອບດວງຕາເບື້ອງລຸ່ມ ຮູ້ສຶກວ່າຜິວບໍລິເວນນີ້ລຽບນຽນຂຶ້ນ.

  • ຂ້ອຍຮູ້ສຶກວ່າ ຮອຍສິວ ແລະ ຈຸດດ່າງດຳທີ່ຢູ່ເທິງໜ້າຂອງຂ້ອຍຄ່ອຍໆຈາງ ແລະ ມີຂະໜາດນ້ອຍລົງ!!! ຜິວໜ້ານຸ້ມຂຶ້ນ ເບິ່ງຄືມີເນື້ອ ມີໜັງຫຼາຍຂຶ້ນ ແລະ ໃບໜ້າສະຫວ່າງຂຶ້ນເມື່ອຢູ່ໃນທີ່ແຈ້ງຈາກແສງທຳມະຊາດ!!!

  • ຫຼັງຈາກຂ້ອຍໄດ້ໃຊ້ຜະລິດຕະພັນໂຕນີ້ມາ 1 ອາທິດເຕັມ ຂ້ອຍເຫັນວິວັດທະນາການທີ່ດີຂຶ້ນ ບໍ່ວ່າຈະເປັນຜິວສົດໃສມີຊີວິດຊີວາຂຶ້ນ ແລະ ຜິວໜ້ານຽນນຸ້ມຂຶ້ນເປັນຕາຈັບ ເປັນຕາເບິ່ງໜ່ອຍໜຶ່ງ. ໂດຍລວມແລ້ວ ຜະລິດຕະພັນໂຕນີ້ກໍຖືວ່າ Ok ແຕ່ບໍ່ໄດ້ຜົນດີເທົ່າທີ່ໂຄສະນາໄວ້ວ່າໃບໜ້າຈະເປັ່ງປັງເປັນປະກາຍພາຍໃນ 1 ອາທິດ ເພາະວ່າໜ້າເລີມມີການປຽນແປ່ງທີ່ດີຂື້ນແຖວຖ້າຍໆອາທິດ. ສະລຸບ: ອາດຕ້ອງໃຊ້ເວລາຫຼາຍກ່ວາ 1 ອາທິດ ແຕ່ຂ້ອຍຄຶດວ່າຖ້າໃຊ້ເປັນປະຈຳຈະເຫັນຜົນດີແນ່ນອນ (ກໍຖືວ່າເປັນຜະລິດຕະພັນທີ່ດີພໍຄວນ).